ธัมมะนิยามะสุตตัง

kit007

บทขัดธัมมะนิยามะสุตตัง

   

ยัง เว นิพพานะญาณัสสะ..... ตัสเสวะ วิสะยีภูตา อะนิจจะตา ทุกขะตา  จะ ตัสสา ปะกาสะกัง สุตตัง สาธุนัง ญาณะจาเรนะ โยนิโส  ปะฏิปัต์ยัตถัง

ญาณัง ปุพเพ ปะวัตตะเต ยายัง  ธัมมะนิยามะตา สัพเพสัง จะ อะนัตตะตา ยังสัมพุทเธนะ ภาสิตัง ยะถา พุทเธนะ  เทสิตัง ตัง สุตตันตัง ภะณามะ เส  ฯ

kit007

ธัมมะนิยามะสุตตัง

  

..........เอวัมเม สุตัง ฯ เอกัง สะมะยัง ภะคะวา สาวัตถิยัง  วิหะระติ เชตะวะเน อะนาถะปิณฑิกัสสะ อาราเม ฯ ตัต์ระ โข ภะคะวา  ภิกขุ อามันเตสิ ภิกขะโวติ ฯ ภะทันเตติ เต ภิกขุ ภะคะวะโต ปัจจัสโสสุง  ฯ ภะคะวา เอตะทะโวจะ ..........อุปปาทา วา ภิกขะเว ตะถาคะตานัง  อะนุปปาทา วา ตะถาคะตานัง ฐิตา วะ สา ธาตุ ธัมมัฏฐิตะตา ธัมมะนิยามะตา  สัพเพ สังขารา อะนิจจาติฯตัง ตะถาคะโต อะภิสัมพุชฌะติ อะภิสะเมติ  อะภิ- สัมพุชฌิต์วา อะภิสะเมต์วา อาจิกขะติ เทเสติ ปัญญะเปติ  ปัฏฐะเปติ วิวะระติ วิภะชะตะ อุตตานีกะโรติ สัพเพ สังขารา อะนิจจาติ  ฯ ..........อุปปาทา วา ภิกขะเว ตะถาคะตานัง  อะนุปปาทา วา ตะถาคะ- ตานัง ฐิตา วะ สา ธาตุ ธัมมะนิยามะตา สัพเพ  สังขารา ทุกขาติ ฯ ตัง ตะถาคะโต อะภิสัมพุชฌะติ อะภิสะเมติ  อะภิสัมพุช- ฌิต์วา อะภิสะเมต์วา อาจิกขะติ เทเสติ ปัญฐะเปติ  วิวะระติ วิภะชะติ อุตตานีกะโรติ สัพเพ สังขารา ทุขาติ ฯ ..........อุปปาทา วา ภิกขะเว ตะถาคะตานัง อะนุปปาทา วา ตะถาคะ- ตานัง ฐิตา  วะ สา ธาตุ ธัมมะนิยามะตา สัพเพ สังขารา อะนัตตาติ ฯ ตัง ตะถาคะโต  อะภิสัมพุชฌะติ อะภิสะเมติ อะภิสัมพุช- ฌิต์วา อะภิสะเมต์วา อาจิกขะติ เทเสติ  ปัญฐะเปติ วิวะระติ วิภะชะติ อุตตานีกะโรติ สัพเพ ธัมมา อะนัตตาติ ฯ อิทะมะโว  จะ ภะคะวา ฯ อัตตะมะนา เต ภิกขุ ภะคะวะโต ภาสิตัง อะภินันทุนติ  ฯ

--------------------------

  
ที่มา http://www.dhammajak.net/suadmon1/178.html