Baan Jompra

ชื่อกระทู้: อะนัตตะลักขะณะสุตร [สั่งพิมพ์]

โดย: kit007 เวลา: 2014-5-3 10:53
ชื่อกระทู้: อะนัตตะลักขะณะสุตร

บทขัดอะนัตตะลักขะณะสุตร

ยันตัง สัตเตหิ  ทุกเขนะ
อัตตะวาทาตตะสัญญานัง
สัมพุทโธ ตัง ปะกาเสสิ
อุตตะริง  ปะฏิเวธายะ
ยันเตสัง ทิฏฐะธัมมานัง
สัพพาสะเวหิ จิตตานิ
ตะถา  ญาณานุสาเรนะ
สาธุนัง อัตถะสิทธัตถัง.........

เญยยัง อะนัตตะลักขะณัง
สัมมะเทวะ  วิโมจะนัง
ทิฏฐะสัจจานะ โยคินัง
ภาเวตุง  ญาณะมุตตะมัง
ญาเณนุปะปะริกขะตัง
วิมุจจิงสุ อะเสสะโต
สาสะนัง  กาตุมิจฉะตัง
ตัง สุตตันตัง ภะณามะ เส  ฯ

โดย: kit007 เวลา: 2014-5-3 10:54
อะนัตตะลักขะณะสุตตัง

..........เอวัมเม  สุตังฯ เอกัง สะมะยัง ภะคะวา พาราณะสิยัง
วิหะระติ อิสิปะตะเน มิคะทาเย ตัต์ระ  โข ภะคะวา ปัญจะวัคคิเย
ภิกขู อามันเตสิ ฯ
..........รูปัง ภิกขะเว อะนัตตา ฯ รูปัญจะหิทัง ภิกขะเว อัตตา
อะภะวิสสะ  นะยิทัง รูปัง อาพาธายะ สังวัตเตยยะ ลัพเภถะ จะ
รูเป เอวัง เม รูปัง โหตุ เอวัง  เม รูปัง มา อะโหสีติ ฯ ยัส์มา
จะ โข ภิกขะเว รูปัง อะนัตตา ตัส์มา รูปัง  อาพาธายะ สังวัตตะติ
นะ จะ ลัพภะติ รูเป เอวัง เม รูปัง โหตุ เอวัง เม รูปัง  มา
อะโหสีติ ฯ
..........เวทะนา อะนัตตา ฯ เวทะนา จะ หิทัง  ภิกขะเว อัตตา
อะกะวิสสะ นะยิทัง เวทะนา อาพาธายะ สังวัตเตยยะ ลัพเภถะ
จะ  เวทะนายะ เอวัง เม เวทะนา โหตุ เอวัง เม เวทะนา มา
อะโหสีติ ยัส์มา จะ โข  ภิกขะเว เวทะนา อะนัตตา ตัส์มา
เวทะนา อาพาธายะ สังวัตตะติ นะ จะ ลัพภะติ  เวทะนายะ เอวัง เม
เวทะนา โหตุ เอวัง เม เวทะนา มา อะโหสีติ ฯ
..........สัญญา อะนัตตา ฯ สัญญา จะ หิทัง ภิกขะเว อัตตา
อะกะวิสสะ นะยิทัง  สัญญา อาพาธายะ สังวัตเตยยะ ลัพเภถะ จะ
สัญญายะ เอวัง เม สัญญา โหตุ เอวัง เม  สัญญา มา อะโหสีติ ฯ
ยัส์มา จะ โข ภิกขะเว สัญญา อะนัตตา ตัส์มา สัญญา อาพาธายะ
สังวัตตะติ นะ จะ ลัพภะติ สัญญายะ เอวัง เม สัญญา โหตุ
เอวัง เม สัญญา มา  อะโหสีติ ฯ
..........สังขารา อะนัตตา ฯ สังขารา จะ หิทัง  ภิกขะเว อัตตา
อะกะวิสสะ นะยิทัง สังขารา อาพาธายะ สังวัตเตยยะ ลัพเภถะ
จะ  สังขาเรสุ เอวัง เม สังขารา โหตุ เอวัง เม สังขารา มา
อะโหสีติ ฯ ยัส์มา จะ โข  ภิกขะเว สังขารา อะนัตตา ตัส์มา
สังขารา อาพาธายะ สังวัตตะติ นะ จะ ลัพภะติ  สังขาเรสุ เอวัง
เม สังขารา โหตุ เอวัง เม สังขารา มา อะเหสุนติ  ฯ
..........วิญญาณัง อะนัตตา ฯ วิญญาณังจะ หิทัง  ภิกขะเว อัตตา
อะกะวิสสะ นะยิทัง วิญญาณัง อาพาธายะ สังวัตเตยยะ ลัพเภถะ
จะ  วิญญาเณ เอวัง เม วิญญาณัง โหตุ เอวัง เม วิญญาณัง
มา อะโหสีติ ฯ ยัส์มา จะ โข  ภิกขะเว วิญญาณัง อะนัตตา
ตัส์มา วิญญาณัง อาพาธายะ สังวัตตะติ นะ จะ ลัพภะติ
วิญญาณัง เอวัง เม วิญญาณัง โหตุ เอวัง เม วิญญาณัง มา
อะเหสุนติ  ฯ
..........ตัง กิม มัญญะถะ ภิกขะเว รูปัง นิจจัง วา  อะนิจจัง วาติ ฯ
อะนิจจัง ภันเต ฯ ยัมปะนานิจจัง ทุกขัง วา ตัง สุขัง วาติ ฯ  ทุกขัง
ภันเต ฯ ยัมปะนานิจจัง ทุกขัง วิปะริณามะธัมมัง กัลลัง นุ  ตัง
สะมะนุปัสสิตุง เอตัง มะมะ เอโสหะมัส์มิ เอโส เม อัตตาติ ฯ โน
เหตัง  ภันเต ฯ
..........ตัง กิม มัญญะถะ ภิกขะเว เวทะนา นิจจัง  วา อะนิจจัง วาติ ฯ
อะนิจจัง ภันเต ฯ ยัมปะนานิจจัง ทุกขัง วา ตัง สุขัง วาติ ฯ  ทุกขัง
ภันเต ฯ ยัมปะนานิจจัง ทุกขัง วิปะริณามะธัมมัง กัลลัง นุ  ตัง
สะมะนุปัสสิตุง เอตัง มะมะ เอโสหะมัส์มิ เอโส เม อัตตาติ ฯ โน
เหตัง  ภันเต ฯ
..........ตัง กิม มัญญะถะ ภิกขะเว สัญญา นิจจัง วา  อะนิจจัง วาติ ฯ
อะนิจจัง ภันเต ฯ ยัมปะนานิจจัง ทุกขัง วา ตัง สุขัง วาติ ฯ  ทุกขัง
ภันเต ฯ ยัมปะนานิจจัง ทุกขัง วิปะริณามะธัมมัง กัลลัง นุ  ตัง
สะมะนุปัสสิตุง เอตัง มะมะ เอโสหะมัส์มิ เอโส เม อัตตาติ ฯ โน
เหตัง  ภันเต ฯ
..........ตัง กิม มัญญะถะ ภิกขะเว สังขารา นิจจัง  วา อะนิจจัง วาติ ฯ
อะนิจจัง ภันเต ฯ ยัมปะนานิจจัง ทุกขัง วา ตัง สุขัง วาติ ฯ  ทุกขัง
ภันเต ฯ ยัมปะนานิจจัง ทุกขัง วิปะริณามะธัมมัง กัลลัง นุ  ตัง
สะมะนุปัสสิตุง เอตัง มะมะ เอโสหะมัส์มิ เอโส เม อัตตาติ ฯ โน
เหตัง  ภันเต ฯ
..........ตัง กิม มัญญะถะ ภิกขะเว วิญญาณัง นิจจัง  วา อะนิจจัง วาติ ฯ
อะนิจจัง ภันเต ฯ ยัมปะนานิจจัง ทุกขัง วา ตัง สุขัง วาติ ฯ  ทุกขัง
ภันเต ฯ ยัมปะนานิจจัง ทุกขัง วิปะริณามะธัมมัง กัลลัง นุ  ตัง
สะมะนุปัสสิตุง เอตัง มะมะ เอโสหะมัส์มิ เอโส เม อัตตาติ ฯ โน
เหตัง  ภันเต ฯ
..........ตัส์มาติหะ ภิกขะเว ยังกิญจิ รูปัง  อะตีตานาคะตะปัจจุปปันนัง
อัชฌัตตัง วา พะหิทธา วา โอฬาริกัง วา สุขุมัง วา  หินัง วา
ปะณีตัง วา ยันทูเร สันติเก วา สัพพัง รูปัง เนตัง มะมะ  เนโสหะ-
มัส์มิ นะ เมโส อัตตาติ ฯ เอวะเมตัง ยะถาภูตัง  สัมมัปปัญญายะ
ทัฏฐัพพัง ฯ

โดย: kit007 เวลา: 2014-5-3 10:54
..........ยา  กาจิ เวทะนา อะตีตานาคะตะปัจจุปปันนัง อัชฌัตตัง
วา พะหิทธา วา โอฬาริกัง วา  สุขุมัง วา หินัง วา ปะณีตา วา ยา
ทูเร สันติเก วา สัพพา เวทะนา เนตัง มะมะ  เนโสหะมัส์มิ นะ เมโส
อัตตาติ ฯ เอวะเมตัง ยะถาภูตัง สัมมัปปัญญายะ ทัฏฐัพพัง  ฯ
..........ยา กาจิ สัญญา อะตีตานาคะตะปัจจุปปันนัง  อัชฌัตตัง วา
พะหิทธา วา โอฬาริกัง วา สุขุมัง วา หินัง วา ปะณีตา วา ยา  ทูเร
สันติเก วา สัพพา สัญญา เนตัง มะมะ เนโสหะมัส์มิ นะ เมโส
อัตตาติ ฯ  เอวะเมตัง ยะถาภูตัง สัมมัปปัญญายะ ทัฏฐัพพัง ฯ
..........ยา  กาจิ สังขารา อะตีตานาคะตะปัจจุปปันนัง อัชฌัตตัง วา
พะหิทธา วา โอฬาริกัง วา  สุขุมัง วา หินัง วา ปะณีตา วา ยา ทูเร
สันติเก วา สัพเพ สังขารา เนตัง มะมะ  เนโสหะมัส์มิ นะ เมโส
อัตตาติ ฯ เอวะเมตัง ยะถาภูตัง สัมมัปปัญญายะ ทัฏฐัพพัง  ฯ
..........ยังกิญจิ วิญญาณัง  อะตีตานาคะตะปัจจุปปันนัง อัชฌัตตัง วา
พะหิทธา วา โอฬาริกัง วา สุขุมัง วา  หินัง วา ปะณีตัง วา
ยันทูเร สันติเก วา สัพพัง วิญญาณัง เนตัง มะมะ  เนโสหะมัส์มิ นะ
เมโส อัตตาติ ฯ เอวะเมตัง ยะถาภูตัง สัมมัปปัญญายะ ทัฏฐัพพัง  ฯ
..........เอวัง ปัสสัง ภิกขะเว สุต์วา  อะริยะสาวะโก รูปัส์มิงปิ
นิพพินทะติ เวทะนายะปิ นิพพินทะติ สัญญายะปิ  นิพพินทะติ สังขา-
เรสุปิ นิพพินทะติ วิญญาณัส์มิงปิ นิพพินทะติ ฯ นิพพินทัง  วิรัชชะติ ฯ
วิราคา วิมุจจะติ วิมุตตัส์มิง วิมุตตะมีติ ญาณัง โหติ ขีณา ชาติ  วุสิตัง
พรัหมะจะริยัง กะตัง กะระณียัง นาปะรัง อิตถัตตายาติ ปะชานาตีติ  ฯ
..........อิทะมะโวจะ ภะคะวา ฯ อัตตะมะนา  ปัญจะวัคคิยา ภิกขุ
ภะคะวะโต ภาสิตัง อะภินันทุง ฯ
..........อิมัส์มิญจะ ปะนะ เวยยากะระณัส์มิง ภัญญะมาเน ปัญจะ
วัตติยานัง  ภิกขุนัง อะนุปาทายะ อาสะเวหิ จิตตานิ วิมุจจิงสุติ  ฯ

------------------------

ที่มา http://www.dhammajak.net/suadmon1/116.html

ยินดีต้อนรับสู่ Baan Jompra (http://baanjompra.com/webboard/)